Zeig uns wie du zuhause Pfadi machst!

Heihei liebi Pfadis und Wölfli

Über d Ferie heimer üs öpis ganz Spezieus überleit. Da dir ja sicher chli uf Pfadientzug sit, bringemer d Pfadi zu öich hei. Dir chöit üs imne churze Video zeige, wie dir Pfadi deheime machet, sigs mitemne Füür im Garte, öpis z'bastle oder witeri kreativi Ideeä. Schicketse doch bis Ändi Ferie ad Janera (Handynummere siehe Viruschronik). Mir wäre froh weder ohno grad ds Iverständnis chöit gä, dass mir ds Video dörfte uf üsne Profiu (Facebook, Instagram, Website) anonym veröffentleche. Aber o weder das lieber nid möchtet, schicket üs öies Video gliich. Mir fröie üs uf kreativi Fiumli!
Eues Leitigsteam

P.S. Weder Frage heit chöiternech o bir Janera mäude!